TALAASH

Khol padh samachar

Mach gaya hai hahakaar

Aankh khol bahar jhaank

Dekh ro raha lachaar


Band kamra ek baap

Aasteen ka tha saanp

Khudki beti par parahar

Kar diya tha balatkaar


Deh se hi vaasta hai

Umr rishta na dikha hai

Ruh ka sauda hua hai

Dev se daanav bana hai


Dekh aas paas to kya haal hai bana hua

Vash mein apne na hai tu haivaan ne tujhe chua

Kho gaya insaan jism jal raha udta dhuan

Satya hai dafan tu khud ke liye khodta kuan


Talaash kar khudi ki tu kahan hai gum

Na dhoondh paye tumko ham na hamko tum


Ishq to bandhan hai pak

Ishq karne ko azaad

Na kahe jo naamurad

Fenk chere pe tezaab


Kaise tune na kaha

Main Raja rank tu yahan

Tujhi ko mitane chala

Tu zinda se jala bhala


Doorsa kya haan kahe ya na tujhe farak nahi

Tera jo dil aa gaya to jo kare vo hi sahi

Na jo usne keh diya tune kisi ki na suni

Pighal ke sadak pe chod cheekhti padi rahi


Talaash kar khudi ki tu kahan hai gum

Na dhoondh paye tumko ham na hamko tum


Maa baap ko tu chod kar

Vridhasharam mein aage badh

Chala kyunki vo bojh the bane

Kyun bachpana sahe


Tu bhula khud khudi ka bachpana

Jo ret se sana

Ghar aaya jab kya ghar se nikala

Tujhe kya bola jaa


Sahare ki thi jab zaroorat tujhko vo hi the khade

Bech diya haar jismein heere moti the jade

Sab tujhi pe kharch kar vo chahte bas tu khush rahe

Par tune vaapsi mein bas dard aur aasoon diye


Talaash kar khudi ki tu kahan hai gum

Na dhoondh paye tumko ham na hamko tum


Beti, tu chahta nahi

To janm uska na sahi

Tay kar liya tune khudi

Gira de usko tu abhi


Maa ki na marzi koi

Peeda magar usse hui

Jab dekha beti ka jo shav

To foot foot ro padi


Kyun beej hi ussi ko chod tune badhne na diya

Khatm kar zameen mein garh kaise tune ye kiya

Jaan ke ye katl tha sahej ho ke kaise jiya

Hekdi jata ke apni Garv karm mein kiya


Talaash kar khudi ki tu kahan hai gum

Na dhoondh paye tumko ham na hamko tum.